Абай әлеміне саяхат

        Хакім Абайдың 175 жылдық мерейтойын тойлау гимназиямызда жалғасын табуда. Ақынның шығармашылығын насихаттауға   бағытталған  «Абай әлеміне саяхат» атты кезекті  игі іс- шара  өте әсерлі өтті. Маңызы жоғары шараны қазақ тілі мен әдебиеті пәні ұстаздары ұйымдастырды. Кеш бойы орта буын оқушылары «Мүшәйра» атты Абай өлеңдерін жатқа айту сайысына қатысып, «Көңілге түрлі ой салар, әнді сүйсең, менше сүй» атты айдары әнші, музыкант, сахналық қойылым көрсеткен  ұландардың дүбірлі жарысына ұласты. Сондай- ақ «Абай әлеміне саяхат» атты кештің бөлімі Абай шығармашылығына арналған постерлердің жарысымен аяқталды. Көрермен оқушылар да Абай әлемінен тысқары емес екендіктерін дәлелдеді. Бұл тұста «Көрерменге сауал» атты кезең ұлы ақын шығармашылығына арналған блиц- сауалдарды көп білетін оқушыларды анықтады. Іс- шарамыздың әсерлі өтуіне үлес қосқан оқушылар мадақтау қағаздарымен марапатталды. Абай атамызға арналған шарамыз жоғары әдістемелік  деңгейде өтті.